மைசூர் ரசம்

தேவை

துவரம் பருப்பு - ¼ கப்

புளி – எலுமிச்சை அளவு

மைசூர் ரசப்பொடி - 2½ ஸ்பூன்

தக்காளி – 1

உப்பு, பெருங்காயம், கருவேப்பிலை, கொத்துமல்லி, கடுகு, நெய்

மிளகாய் வற்றல் – 2

தேங்காய் – 3 டீஸ்பூன் (சிவக்க எண்ணெயில் வறுக்கவும்)

செய்முறை

புளியை 2 கப் நீரில் கரைத்து, உப்பு, தக்காளி, பெருங்காயம், கருவேப்பிலை போட்டுக் கொதிக்கும்போது, மைசூர் ரசப்பொடியுடன் வறுத்த தேங்காய் சேர்த்து சிறிது தண்ணீர் விட்டு அரைத்துச் சேர்க்கவும்.

புளி வாசனை போய் ரசம் 1½ கப் ஆனபின் துவரம் பருப்பை 2½ கப் நீர் சேர்த்து விளாவி, நுரைத்து வந்தபின் இறக்கி நெய்யில் கடுகு, மிளகாய் வற்றல் போன்றவற்றை தாளித்து கொத்துமல்லி,கறிவேப்பிலை கிள்ளிப் போடவும்.

மைசூர் ரசப்பொடி இல்லையெனில் 1½ டீஸ்பூன் கடலைப் பருப்பு, 2 டீஸ்பூன் தனியா, 3 மிளகாய் வற்றல், 10 மிளகு, சீரகம் 1 டீஸ்பூன், பெருங்காயம் – சிறு துண்டு, 2 டேபிள்ஸ்பூன் தேங்காய்த் துருவலை எண்ணெயில் சிவக்க வறுத்து அரைத்து விடவும்.

இதில் புளி ஜலம் கொதிக்கும்போது பிஞ்சு கத்தரிக்காய்களை நறுக்கிப் போட்டால் கத்திரி ரசம்!

பைனாப்பிள் துண்டங்களை நறுக்கிப் போட்டால் பைனாப்பிள் ரசம்! ரோஜா இதழ்களை சேர்த்தால் பன்னீர் ரசம்!