முடக்கத்தான்பொடி

தேவையானவை:
முடக்கத்தான் இலை – 2 கப் 
உளுத்தம்பருப்பு – 8 டீஸ்பூன்

துவரம்பருப்பு – கால் கப்

கட்டிப் பெருங்காயம் – சிறு துண்டு
மிளகு - 2 டீஸ்பூன்
மிளகாய் வற்றல் - 3
உப்பு – தேவையான அளவு.

செய்முறை:

முடக்கத்தான் இலைகளை நன்றாக சுத்தம் செய்து ஈரம் போக காயவைக்கவும்.

வாணலியில் தலா கால் டீஸ்பூன் எண்ணெய் விட்டு, பருப்புகளை தனியே வறுத்தெடுக்கவும். 

முடக்கத்தான் இலைகளையும் வெறும் வாணலியில் சிறிய தீயில் வைத்து நன்றாக வதக்கவும். 

ஆறியவுடன், முதலில் பருப்பு, உப்பு, மிளகாய் வகைகளை ஒன்றாகப் பொடித்து, கடைசியாக முடக்கத்தான் இலைகளையும் போட்டுப் பொடித்து எடுக்கவும். 

வாயுக் கோளாறு, முழங்கால் வலிக்கு மிகச் சிறந்த நிவாரணி இந்தப் பொடி. சாதத்தில் போட்டுப் பிசைந்து சாப்பிடலாம்.