Thursday, 9 March 2017

கோதுமை மாவு தட்டை


தேவை
கோதுமை மாவு - 1கப்
அரிசிமாவு - 1 கப்
கடலைமாவு - 1/4 கப் 
பொடி ரவா - 1/2 கப்
ஊறவைத்த கடலைபருப்பு - 2 தேக்கரண்டி
வறுத்து, தோலி நீக்கி, இரண்டாக்கிய கடலை - 2 தேக்கரண்டி 
காரப்பொடி - 2 தேக்கரண்டி 
உப்பு - தேவையான அளவு
இஞ்சி, ப.மிளகாய் விழுது - 1தேக்கரண்டி
சீரகம் .- 1 தேக்கரண்டி
வெள்ளை எள் - 1 தேக்கரண்டி 
பெருங்காயப்பொடி  - 1/4 தேக்கரண்டி 
வெண்ணை - 4 தேக்கரண்டி 
எண்ணை - பொறிக்க - தேவையான அளவு 

செய்முறை 
எல்லா மாவுகளையும், ரவையும் சேர்த்து நன்கு கலக்கவும்.

அதில் இஞ்சி, பச்சை மிளகாய் விழுது, பெருங்காயப்பொடி, காரப்பொடி, உப்பு, எள்ளு, ஊறவைத்த கடலைப் பருப்பு, கடலை, வெண்ணை சேர்த்து நன்கு கலக்கவும்.

தேவையான தண்ணீர் சேர்த்து கெட்டியாகப் பிசையவும்.அதனை சிறு உருண்டைகளாக்கவும்.

பிளாஸ்டிக் பேப்பரில் தட்டைகளாகத் தட்டி, அதில் ஃ போர்க்கினால் சிறு துளைகள் இடவும்.

எண்ணையைக் காய வைத்து, தட்டைகளை இருபுறமும் நன்கு வேகவிட்டு எடுக்கவும்.

கரகரப்பான தட்டை டீ, காஃபியுடன் சாப்பிட சூப்பராக இருக்கும். 
 

கோதுமை மாவு பர்ஃபி


தேவை
கோதுமை மாவு - அரை கப்
சர்க்கரை - 3/4 கப்
தண்ணீர் - கால் கப்
நெய் - 1/2 கப் 
ரோஸ் எசன்ஸ் - கால் தேக்கரண்டி
ரோஸ் கலர் - ஒரு சிட்டிகை
பாதாம், முந்திரி துண்டுகள் 
ஏலப்பொடி - 1/2 டீஸ்பூன்

செய்முறை:
அடுப்பில் வாணலியை வைத்து, 2 தேக்கரண்டி நெய் விட்டு, சூடானதும் கோதுமை மாவைச் சேர்த்து நன்றாக கலர் மாறாமல் வறுத்து, தனியாக எடுத்து வைத்துக்கொள்ளவும்.

அதே வாணலியில் தண்ணீர், சர்க்கரை சேர்த்து ஒரு கம்பிப் பாகு பதம் வரும்வரை கொதிக்கவிடவும். 

இதில் ரோஸ் எசன்ஸ், ரோஸ் கலர் சேர்த்து கலந்துவிடவும். கேஸை சிறிதாக வைத்து இத்துடன் வறுத்து வைத்துள்ள கோதுமை மாவைச் சேர்த்து கைவிடாமல் நன்கு கிளறவும்.பாத்திரத்தில் ஒட்டும்போது மீதமுள்ள நெய்யை சேர்க்கவும்.

நெய்யில் வறுத்த மிந்திரி, பாதாம்,  ஏலப்பொடி சேர்க்கவும்.

சற்று கெட்டியானதும்,அடுப்பை அணைத்து விட்டு கெட்டியாகும் வரை கைவிடாமல் கிளறவும்.

வாணலியில் ஒட்டாத பதத்துக்கு வந்தவுடன், நெய் தடவிய தட்டில் கொட்டி சமப்படுத்தவும்.

லேசாக ஆறியவுடன் துண்டுகள் போடவும்.

ரோஸ் வண்ண கோதுமை மாவு பர்ஃபி  சுவையான இனிப்பு.

Wednesday, 1 March 2017

இலை வடகம்

தேவை
இட்லி  அரிசி  1/2 கப்
பச்சை  அரிசி  1/2 கப்
ஜவ்வரிசி  1 மேஜைக்கரண்டி
சீரகம்  1/4 தேக்கரண்டி
ஓமம்  1 சிட்டிகை
பச்சை  மிளகாய்   10
பெருங்காயம்  1 சிட்டிகை
உப்பு தேவையான  அளவு

செய்முறை
இட்லி அரிசி,  பச்சை அரிசி மற்றும் ஜவ்வரிசியை நன்கு கழுவி சுத்தம் செய்து பின்னர் அரிசிகளை தண்ணீரில்  குறைந்தது  5 மணிநேரம் ஊறவைக்க வேண்டும். அரிசியை மற்றும் ஜவ்வரிசியை  வடித்து விட்டு மிக்ஸியில் நைசாக நன்றாக அரைக்கவும். பச்சை மிளகாயை மிக்ஸியில் விழுதாக அரைத்து கொள்ளவும்.
மாவு அரைத்த பிறகு அதில் சீரகம், பெருங்காயம், ஓமம்,  தேவையான அளவு உப்பையும் சேர்த்து நன்கு கலக்கவும். பச்சை மிளகாய் விழுதை மாவு கலவையுடன் சேர்த்து நன்கு கலந்து கொள்ளவும்.    இந்த கலவையை  2 மணி நேரம் புளிக்க வைக்க வேண்டும்.

இலை வடகம் தட்டுகள் கடையில் கிடைக்கும். அவற்றில் இலையை வட்டமாக வெட்டிப் போட்டு, அந்த இலையின் மீது ஒரு கரண்டி மாவை ஊற்றி மெலிதாகத்  தேய்க்க வேண்டும்.  . .




 இப்பொழுது அதை ஆவியில் வேக வைக்கவும்.  இது வேக  1 நிமிடம் தான் ஆகும்.இலைவடகத்தட்டு இல்லையெனில் தனித்த தட்டுகளில் குக்கரில் வைத்து வேகவிடவும்.
 


சூடாக உள்ள போதே வடகத்தை இலையில் இருந்து வெகு சுலபமாக  ( ஈசியாக ) எடுத்து விடலாம். இதேபோல் அனைத்து மாவையும் வேகவைத்து எடுத்து கொள்ளவும்.




தனித்தனியாக ஒரு பிளாஸ்டிக் பேப்பர் அல்லது தினசரி பேப்பரில் போட்டு காய வைக்கவும்.
நேரடியாக வெயிலில் வைத்தால் 2 அல்லது 3 மணி நேரத்துல  காய்ந்து விடும்.
காற்று புகாத டப்பாவில் போட்டு பத்திர படுத்தி கொள்ளாம்.

தேவையானபோது எண்ணெயில் பொறித்து சாப்பிடவும். இரண்டு மடங்காக பொரிந்து வரும்.