முள் தேன்குழல்

தேவை

பச்சரிசி - 4 கப்,
கடலைப் பருப்பு - 3/4 கப்,
பயத்தம் பருப்பு - 11/4 கப்,
எள் - 1/2 டீஸ்பூன்,
சீரகம் - 1/2 டீஸ்பூன்,
கட்டி பெருங்காயம் - சிறிதளவு,
வெண்ணெய் - 1 டேபிள்ஸ்பூன்,
உப்பு - தேவைக்கு,
எண்ணெய் - பொரிப்பதற்கு.

செய்முறை :

எள்ளை நன்றாக சுத்தம் செய்து கழுவி தண்ணீர் வடித்து உலர்த்தி வைக்கவும்.

சுத்தம் செய்து கழுவி காய வைத்த அரிசி, கடலைப் பருப்பு, பயத்தம் பருப்பு மூன்றையும் மெஷினில் மாவாக அரைத்துக் கொள்ளவும். இந்த மாவில் உப்பு, பெருங்காயம், வெண்ணெய், எள், சீரகம், தேவையான தண்ணீர் ஊற்றி முறுக்கு மாவு பதத்துக்கு பிசையவும்.

 முள் தேன்குழல்  அச்சில் தேவையான மாவைப் போட்டு காய்ந்த எண்ணெயில் பிழியவும். பொன்னிறமாக பொரித்து எடுக்கவும்.