கறிவேப்பிலைப்பொடி

தேவை

நன்றாக காய்ந்த கறிவேப்பிலை இலை – 2 கப்  

உளுத்தம்பருப்பு – 1/4  கப் 

காய்ந்த மிளகாய் – 10 

பெருங்காயம் – சிறிதளவு

சீரகம் - 2 டீஸ்பூன் 

தனியா - 1 டீஸ்பூன் 

புளி  - சிறிது 

வறுத்த எள் - 1 டீஸ்பூன்

 உப்பு – தேவையான அளவு

 எண்ணெய் – வறுக்க.

செய்முறை:
கறிவேப்பிலையை சுத்தம் செய்து நிழலில் உலர்த்தி நன்றாகக் காயவைக்கவும். காய்ந்த பிறகு மிக்ஸியில் நைசாக அரைத்துக் கொள்ளவும். 

வாணலியை அடுப்பில் வைத்து சிறிதளவு எண்ணெய் ஊற்றி உளுத்தம்பருப்பு, காய்ந்த மிளகாய், சீரகம், தனியா, பெருங்காயத்தை வறுக்கவும். முதலில் கறிவேப்பிலையை மிக்ஸியில் போட்டு நைசாக அரைத்து எடுத்துக்கொள்ளவும். 

பிறகு வறுத்த பொருட்களை உப்பு சேர்த்து சிறிது கரகரப்பாக அரைத்து, அதில் கறிவேப்பிலை பொடி சேர்த்து ஒரு சுற்று சுற்றி கலந்து எடுத்து வைக்கவும்.