அகத்திக்கீரை கறி

தேவை

அகத்திக்கீரை  ஒரு கட்டு 

பாசிப்பருப்பு  கால் கப் 

உளுத்தம்பருப்பு  அரை டீஸ்பூன்

மிளகாய் வற்றல்  ஒன்று

கடுகு  அரை டீஸ்பூன்

தேங்காய் துருவல்  8 டீஸ்பூன்

சர்க்கரை  1/2 டீஸ்பூன்

எண்ணெய்  2 டீஸ்பூன்

உப்பு  தேவையான அளவு.

செய்முறை 

 அகத்திக் கீரையை ஆய்ந்து அலம்பி, நறுக்கவும். பயத்தம்பருப்பை களைந்து வடிய வைத்து பத்து நிமிடங்கள் வைக்கவும்.

வாணலியில் எண்ணெய் விட்டு கடுகு,  உளுத்தம்பருப்பு, கிள்ளிய மிளகாய் வற்றல் சேர்த்து வறுத்து,

அகத்திக்கீரையையும், பாசிப்பருப்பையும் சேர்த்து, உப்பு சேர்த்து, லேசாக தண்ணீர் தெளித்து வேக விடவும். அடிக்கடி கிளறவும்.

நன்கு வெந்த உடன் தேங்காய்த் துருவல், சர்க்கரை தூவிக் கிளறி இறக்கவும்.

அகத்திக்கீரை வாய்ப்புண், வயிற்றுப் புண்ணுக்கு மிகவும் நல்லது.